對近日香港示威的感想（？

=========13/10/14==========

香港人，真係好可愛啊......
警方搬走鐵馬，下午就有搭棚工程，晚上更有水泥加建工程。
邊個同我講香港人唔團結架？我而家見到團結到感動啊


=========10/10/14==========
林鄭知金鐘唔夠人，所以幫示威者召集民眾啦
我想講，未對話過就縮沙，你根本唔想對話？
想要民主選舉，還有漫漫長路...

=========1/10/14==========
Err......我無表態過個人觀點。而家寫埋先。

我已經覺得打到一舊舊啦，遲下再改啦 cry

認真講，我係一個政治冷感嘅人。曾幾何時（都唔係好耐之前），我唔想理政治。我真係覺得好煩，點搞都搞唔到啦，到你控制咩？因此，我對佔中嘅事了解唔多。我對佔中保持中立。

但呢幾日，我見到學生和平示威，大家靜坐，有秩序地集會，超初並沒有問題的。頭先同老豆傾，佢都話警察過快用催淚彈，令到目標轉移鳥。從佔中到反對警察使用武力。

雖則在武林高手中，一草一木都是武器。你比黃飛鴻一把遮，佢可以當武器黎用。但我相信學生無咁嘅武功吧？就算有，都無可能同時一萬個武林高手學生吧？有人話示威者手持攻擊性武器，你……頭大丈夫？

學生在示威者嘅類別，可以定型為非武力類。先前講警察太快用催淚彈，係因為示威者都無用磚頭還擊。你講外國警察更暴力，但外國示威者係火燒警車，汽車彈。如果香港有人燒警車，我唔反對用催淚彈。舉個例子，警察對個無威脅你人身安全、無武器嘅賊開槍，這樣對嗎？我唔排除部份示威者「搞搞震」，不過佢地無威脅到成個集會嘅氣氛。所以我覺得警察在當時用催淚彈係不適合的。

Sorry，唔係拍電影，而係真實情況。警方用了87枚催淚彈對付手無串鐵嘅學生。真係要咁多？
=============================
香港，一個高手雲集嘅地方。高登有改歌詞，示威有創意畫。改圖一堆，創意一堆，香港人肯做，就一定做到！

都話香港人有創意的啦

香港政府：有得比你揀，你唔揀？

有票，真係唔要？

所以，我對佔中是中立，但我反對對警察用過度武力對付示威者。
香港人加油，雖然人在外國，但是心在香港！

=================================
呢個係惡搞區，我知有人唔想睇到，我反白佢
RPG game mode: 
character: 香港人
新技能：ティアガスバスター(Tear gas Buster) Lv7(成件事型哂
回避爆彈類攻擊成功機率 UP，根據使用者本身技能Lv而決定技能Up程度
被動技：打不死的小強
武器：

• 保鮮紙 Lv5
• skill: 自身防禦力+20
• 遮 Lv7
• 特殊技能: 一定範圍內防禦胡椒噴霧
• 普通技能：擋雨